Një skenë e rrallë ka ndodhur në ligën kryesore të Portugalisë.

Në ndeshjen që është duke u zhvilluar mes Belenenses dhe Benficas, skuadra vendase është duke luajtur pa dy futbollistë në 11-shen startuese, duke vendosur vetëm nëntë lojtarë në fushë.

Kjo për shkak të shpërthimit të Covid-19 që tronditi ekipin vendas. Me 17 rezultate pozitive të konfirmuara, përfshirë 14 lojtarë, Belenenses SAD, pasdite, u privua nga disa lojtarë të tjerë, për shkak të nevojës për izolim dhe teste të reja PCR, siç njoftoi presidenti i saj, Rui Pedro Soares.

Kështu, skuadra vendos vetëm nëntë lojtar në fletën e ndeshjeve të disponueshme në faqen e internetit të Ligës, dy prej të cilëve janë portierë.

Nga nëntë futbollistët, vetëm tre – Álvaro Ramalho, Diogo Calila dhe Boni Trova – kanë pasur tashmë minuta në Ligën e 1-të këtë sezon, ndërsa pjesa tjetër u përdoren në U-23.

Benfica është duke fituar me rezultat prej 3-0 pas 30 minutave të parë të këtij takimi.